აშშ-ის სახელმწიფო მდივანმა, მარკო რუბიომ სახელმწიფო დეპარტამენტში ბალტიის ქვეყნების საგარეო საქმეთა მინისტრებთან შეხვედრა გამართა.
შეხვედრას ესწრებოდნენ ესტონეთის საგარეო მინისტრი მარგუს ცაჰკნა, ლატვიის საგარეო საქმეთა მინისტრი ბაიბა ბრაჟე და ლიეტუვის საგარეო საქმეთა მინისტრი კიასტუტის ბუდრი.
შეხვედრაზე უკრაინისთვის მოკავშირეთა მხარდაჭერისა და ნატო-ს გაძლიერების საკითხებზე იმსჯელეს.
ესტონეთის საგარეო საქმეთა მინისტრმა, მარგუს ცაჰკნამ მადლობა გადაუხადა სახელმწიფო მდივან რუბიოს „დროული და ნაყოფიერი მოლაპარაკებებისთვის“. მისი თქმით, შეხვედრაზე იმსჯელეს ტრანსატლანტიკური ურთიერთობების გაძლიერებასა და უკრაინაში მდგრადი მშვიდობისკენ მიმართულ ძალისხმევაზე.
