ამერიკელი მილიარდერის და პრეზიდენტ დონალდ ტრამპის უფროსი მრჩევლის, ილონ მასკის სოციალური მედიის კომპანია X, უარს ამბობს დააკმაყოფილოს თურქეთის რამდენიმე სასამართლო ბრძანება 700-ზე მეტი ანგარიშის დაბლოკვის შესახებ, რომლებიც თურქულ ახალი ამბების ორგანიზაციებს, ჟურნალისტებს, პოლიტიკურ ფიგურებსა და სტუდენტებს ეკუთვნით.
"ჩვენ ვეწინააღმდეგებით მრავალ სასამართლო განკარგულებას თურქეთის ინფორმაციისა და საკომუნიკაციო ტექნოლოგიების სააგენტოსგან თურქეთის შიგნით 700-ზე მეტი ანგარიშის დაბლოკვის შესახებ, რომლებიც ახალი ამბების ორგანიზაციებს, ჟურნალისტებს, პოლიტიკურ ფიგურებს, სტუდენტებსა და სხვებს ეკუთვნით". - წერს X-ის გლობალური მთავრობების საქმეთა ანგარიში.
X-სთვის უაღრესად მნიშვნელოვანია პლატფორმის უზრუნველყოფა, რომელიც შექმნილია ყველას სიტყვის თავისუფლების დასაცავად, და ჩვენ მიგვაჩნია, რომ თურქეთის მთავრობის ეს გადაწყვეტილება არა მხოლოდ უკანონოა, არამედ ხელს უშლის მილიონობით თურქ მომხმარებელს მიიღონ ახალი ამბები და პოლიტიკური დისკურსი თავიანთ ქვეყანაში.
ჩვენ მოუთმენლად ველით შესაძლებლობას დავიცვათ ეს პრინციპები სამართლებრივი სისტემის მეშვეობით. X ყოველთვის დაიცავს სიტყვის თავისუფლებას ყველგან, სადაც ჩვენ ვმუშაობთ“, - წერს X-ის გლობალური მთავრობების საქმეთა ანგარიში.
