თბილის მერმა და "ქართული ოცნების" გენერალურმა მდივანმა, კახა კალაძემ "ღამის კურიერის" ეთერში "მეგობარი აქტი" და მისი წარმდგენი სენატორები შეაფასა. კახა კალაძის განმარტებით, შაჰინიც და რაშიც არიან ადამიანები, ვინც ბოლო წლების განმავლობაში ანტიქართული განცხადებებით გამოირჩევიან.
კალაძის თქმით, ეს ადამიანები პირდაპირ ებრძვიან ქართულ სახელმწიფოებრიობას, ცდილობენ სახელმწიფო გადატრიალების და რევოლუციის მოწყობას, რათა მოიყვანონ მათთვის სასურველი ძალები - აგენტურა.
"ჩვენი აღქმები არ განსაზღვრავს მათი მხრიდან გაკეთებულ განცხადებებს და იმ დამოკიდებულებებს, რასაც ბოლო წლების განმავლობაში ვხედავთ. ეს გამოიხატება კონკრეტული ქმედებებით. შაჰინიც და რაშიც არიან ადამიანები, ვინც ბოლო წლების განმავლობაში გამოირჩევიან ანტიქართული განცხადებებით. ეს ადამიანები პირდაპირ ებრძვიან ქართულ სახელმწიფოებრიობას, პირდაპირ ცდილობენ, რომ სახელმწიფო გადატრიალება, დაპირისპირება და რევოლუცია მოხდეს. ცდილობენ დაამხონ საქართველოს ხელისუფლება და მოიყვანონ მათთვის სასურველი ძალები. პირდაპირ ვიტყვი - აგენტურა, რათა როდესაც მათ დასჭირდებათ, ქვეყანა გამოიყენონ მათი ინტერესების გასატარებლად. არანაირი მეგობრობა ამ ადამიანების მხრიდან საქართველოსთან მიმართებაში არ იკვეთება. ეს არის პირდაპირი მტრობა, რადგან აღნიშნული დოკუმენტი გაჯერებულია ტყუილით და მცდელობა აქვთ, რომ ქვეყნის გარეთ, საზოგადოებას დაანახონ აბსოლუტურად განსხვავებული საქართველო.
რის გამო გვერჩიან? ჩვენ ვიცავთ ჩვენი ქვეყნის ინტერესს, მავანს არ მივეცით იმის შესაძლებლობა, რომ ჩვენი ქვეყანა გამოყენებული ყოფილიო სხვა, დიდი ქვეყნის ინტერესების გასატარებლად და ამას შეგვეწირა ჩვენი ქვეყანა და ხალხი. ჩვენ ეს ნაბიჯი არ გადავდგით. რა თქმა უნდა, ეს არ იყო მარტივი, ამას თან ახლდა ძალიან ბევრი მუქარა, შანტაჟი და შეურაცხყოფა, რომელიც დღესაც გრძელდება. დღეს როდესაც ვსაუბრობთ რა გზის გავლა მოგვიწია, მართლა ბეწვის ხიდზე გავიარეთ. ნახეთ რა ხდება უკრაინაში და როგორ ამთავრებს უკრაინა. მტერს არ ვუსურვებ იმას, რაც უკრაინაში ხდება", - კახა კალაძემ.
