კიევში დრონებით თავდასხმის შედეგად დაღუპულთა რაოდენობა სამამდე გაიზარდა, მათ შორის არის მამა და მისი ხუთი წლის ქალიშვილი. დაშავდა კიდევ ათი ადამიანი, მათ შორის 11 თვის ბავშვი. ინფორმაციას კიევის საქალაქო სამხედრო ადმინისტრაცია ავრცელებს.
„არსებული ინფორმაციით, დაიღუპა 3 ადამიანი, მათ შორის 5 წლის ბავშვი. დაშავდა კიდევ 10. დაღუპულთა შორის არის მამა და მისი პატარა ქალიშვილი. რუსეთის თავდასხმის ყველაზე პატარა დაშავებული კი მხოლოდ 11 თვისაა“.
მანამდე საგანგებო სიტუაციების მართვის სამსახურმა გაავრცელა ინფორმაცია, რომ 23 მარტის ღამეს კიევზე რუსეთის თავდასხმის შედეგად ორი ადამიანი დაიღუპა.
