ჩეხეთი მზად არის, სამშვიდობო შეთანხმების შემდეგ საერთაშორისო სამშვიდობო მისიის ფარგლებში უკრაინაში ჯარები გაგზავნოს.
ამის შესახებ ჩეხეთის პრეზიდენტმა პეტრ პაველმა ევროპეისკა პრავდასთან ინტერვიუში განაცხადა.
მისი თქმით, ჩეხეთი უკვე შედის დიდი ბრიტანეთისა და საფრანგეთის მიერ შექმნილ „მსურველა კოალიციაში“.
„და მე მჯერა, რომ როგორც კი გაჩნდება გაგება, რომ არსებობს ჯარების განლაგების საერთო ნება, მაშინ ჩეხეთი გახდება ამ [სამშვიდობო] კოალიციის ნაწილი“, - თქვა პაველმა.
მან აღიარა, რომ თავად ჩეხეთში ყველა არ ეთანხმება მსგავს მისიაში ჩართვის აუცილებლობას.
„მაგრამ თუ იქნება ევროპული სახელმწიფოების ძლიერი ჯგუფი, რომლებიც მზად არიან უზრუნველყონ უკრაინას უსაფრთხოების ასეთი გარანტიები, მაშინ ღრმად ვარ დარწმუნებული, რომ ჩეხეთი ერთ-ერთი მათგანი უნდა იყოს. მე ნამდვილად მჯერა, რომ ამას დიდწილად ჩვენი თავისთვის ვაკეთებთ“, - ხაზგასმით აღნიშნა პაველმა.
