პრეზიდენტ მიხეილ სააკაშვილის მტკიცებით, საქართველოში ყველაზე დაბალი გადასახადებია.
"დიდი დრო დავხარჯეთ კონტრაბანდასთან საბრძოლველად. ჩვენ გვაქვს დაბალი გადასახადები და ეს გადასახადები არის გადასახდელი, რადგან სხვანაირად სახელმწიფო ვერ იარსებებს", - განაცხადა სააკაშვილმა "პირველი საინფორმაციო კავკასიურის" ტელეხიდის მიმდინარეობისას, რომელზედაც ის მოსახლეობის შეკითხვებს პირდაპირ ეთერში პასუხობს.
მისი განმარტებით, კანონი ყველასთვის ერთი უნდა იყოს, მცირე მეწარმისთვისაც და ბიზნესმენისთვისაც.
"დღეს ბიზნესი უფრო მეტადაა განვითარებული, ქვეყანაში უფრო მეტი მაღაზია არსებობს და უფრო მეტი ბავშვი დადის საბავშვო ბაღებში, ვიდრე კომუნისტების დროს და ეს კეთდება თქვენი მაღაზიების მიერ გადახდილი თანხით. კანონი უნდ იყოს ყველასთვის ერთი. უნდა ავაგოთ სწორი სისტემა", - დასძინა სააკაშვილმა.