გაერთიანებული სამეფოს პრინცი უილიამი აღმოსავლეთ ევროპაში ნატო-ს ოპერაციების მხარდამჭერი ტურის ფარგლებში შეხვდა ბრიტანელ სამხედროებს ესტონეთის სამხედრო ბაზაზე, რომელიც შექმნილია ბალტიის ქვეყნის დასაცავად რუსეთის საფრთხისგან. იუწყება BBC
სამხედრო ბანაკში მან დაათვალიერა საბრძოლო მანქანები და სამხედრო ფორმაში ჩაცმული, რუსეთის საზღართან ტანკით გადაადგილდა.
42 წლის უილიამი პირველად ეწვია ესტონეთს. პრინცის ვიზიტი ორ დღეს გაგრძელდა.
ეს ვიზიტი უილიამმა მას შემდეგ გადაწყვიტა, რაც ბრიტანეთმა და ევროპის სხვა ქვეყნებმა გაზარდეს თავდაცვის ხარჯები აშშ-ის პრეზიდენტის დონალდ ტრამპის მოწოდების საპასუხოდ, რათა ნატო-ს ქვეყნებმა უფრო აქტიური როლი შეასრულონ ევროპაში უსაფრთხოებისათვის.
ბრიტანეთმა 900-მდე ჯარისკაცი გაგზავნა ესტონეთსა და პოლონეთში, ოპერაცია „კაბრიტის“ ფარგლებში. ამით სახელმწიფომ ხელი შეუწყო ნატო-ს ძალების გაფართოებას აღმოსავლეთში.
ამჟამად ალიანსის აღმოსავლეთ ფლანგზე 2600-ზე მეტი ბრიტანელი ჯარისკაცი და 730 მ სატრანსპორტო საშუალებაა განლაგებული.
