გერმანიის ბუნდესტაგის საბიუჯეტო კომიტეტმა უკრაინის სამხედრო მხარდაჭერის მიზნით, 2025 წლისთვის დამატებით სამი მილიარდი ევროს გამოყოფა დაამტკიცა, 2026-2029 წლებისთვის კი, დამატებით 8.3 მილიარდი ევრო გამოყო.
გერმანიის სოციალ-დემოკრატიული პარტიის ერთ-ერთმა ლიდერმა ლარს კლინგბაილმა დაადასტურა ეს ფაქტი და მიესალმა საბიუჯეტო კომიტეტის გადაწყვეტილებას.
"გერმანიას შეუძლია იმოქმედოს ამ დროს და იღებს პასუხისმგებლობას ევროპაში უსაფრთხოებაზე. ჩვენ ვაგრძელებთ დგომას უკრაინის გვერდით," - განაცხადა მან.
სოციალ-დემოკრატიული პარტიის წარმომადგენლის ანდრეას შვარცის თქმით, „ეს სწორი გადაწყვეტილება და მკაფიო სიგნალია პუტინისთვის. და მოკავშირეებისთვის უკრაინაში.
„გერმანიის იმედად ყოფნა შეიძლება და უკრაინული ბრძოლა თავისუფლებისთვის იმსახურებს ჩვენს სრულ მხარდაჭერას“, – განაცხადა
უკრაინისთვის დამატებითი თანხების გამოყოფა გერმანიის თავდაცვისა და საგარეო საქმეთა სამინისტროებმა მოითხოვეს.
