დიდ ბრიტანეთში „ჰითროუს“ აეროპორტი, ელექტრო ქვესადგურში გაჩენილი ხანძრის შემდეგ, მთელი დღით დაიხურა. ამის შესახებ ინფორმაციას აეროპორტი ავრცელებს.
ხანძრის შედეგად ელექტროენერგიასთან დაკავშირებული პრობლემები შეიქმნა, რომელიც შეეხო არა მხოლოდ აეროპორტს, არამედ მიმდებარე რაიონებსაც.
ინციდენტის ზონიდან 150-მდე ადამიანია ევაკუირებული, ასევე უსაფრთხოების 200-მეტრიანი ზონა განისაზღვრა.
როგორც აეროპორტის განცხადებაშია ნათქვამი, „ჰითროუს“ დაკეტვა 1300-ზე მეტ რეისს შეეხება.
სახანძრო ბრიგადის განცხადებით, ამ დროისთვის, ხანძრის გამომწვევი მიზეზი უცნობია.
