შეერთებულმა შტატებმა სანქციები დაუწესა ორ ჩინურ ნავთობქიმიურ კომპანიას ირანული ნავთობის იმპორტის გამო, რაც მორიგი ნაბიჯია პრეზიდენტ დონალდ ტრამპის „მაქსიმალური ზეწოლის“ პოლიტიკაში ისლამური რესპუბლიკის წინააღმდეგ. ამის შესახებ გამოცემა Financial Times წერს.
აშშ-ის სახელმწიფო დეპარტამენტმა განაცხადა, რომ სანქციები დაუწესა კომპანია Huaying Huizhou Daya Bay Petrochemical Terminal Storage-ს
აშშ-ის სანქციების დარღვევისთვის ირანული ნავთობის შეძენითა და შესანახვით, რომელიც ჩინეთში სანქცირებული გემიტ გაიგზავნა.
აშშ-ს ფინანსთა დეპარტამენტმა ცალკე სანქციები დაუწესა ჩინურ გადამამუშავებელ კომპანია Luqing Petrochemical-ს, ირანული ნავთობის შეძენის გამო, რომელიც ტრანსპორტირდება გემებით, რომლებიც დაკავშირებულია ჰუსიტებთან და ირანელ სამხედროებთან.
„გადამამუშავებელი ქარხნების მიერ ირანული ნავთობის შესყიდვები არის ირანის რეჟიმის ეკონომიკური მხარდაჭერის მთავარი წყარო, რომელიც არის ტერორიზმის მსოფლიოში წამყვანი სახელმწიფო სპონსორი“, - თქვა აშშ-ის სახაზინო მდივანმა სკოტ ბესენტმა.
