რუსეთის ფედერაციისა და შეერთებული შტატების ექსპერტების კონსულტაციები 24 მარტს საუდის არაბეთის დედაქალაქ ერ რიადში გაიმართება – ამის შესახებ რუსეთის პრეზიდენტის თანაშემწემ საერთაშორისო საკითხებში, იური უშაკოვმა განაცხადა.
მისი თქმით, დელეგაციას რუსეთის ფედერაციის საბჭოს საერთაშორისო ურთიერთობების კომიტეტის ხელმძღვანელი გრიგორი კარასინი და ფედერალური უსაფრთხოების სამსახურის ხელმძღვანელი სერგეი ბესედა უხელმძღვანელებენ.
„ჩვენ შევთანხმდით ბატონ უოლცთან, რომ ორმხრივ ფორმატში კონსულტაციებს პრეზიდენტების მიერ დანიშნული ექსპერტები გამართავენ. ეს კონსულტაციები გაიმართება 24 მარტს ერ რიადში“, – აღნიშნა იური უშკოვმა.
უშაკოვის თქმით, ხშირად აქვს "ორივე მხარისთვის სასარგებლო" ურთიერთობა ეროვნული უსაფრთხოების საკითხებში აშშ-ს პრეზიდენტის მრჩეველთან, მაიკ უოლცთან.
