20 მარტის ღამეს რუსეთის ქალაქებ სარატოვსა და ენგელესზე დრონებით შეტევა განხორციელდა.
სარატოვის ოლქის გუბერნატორის რომან ბუსარგინის განცხადებით, ომის დაწყების შემდეგ, ეს იყო ყველაზე მასშტაბური თავდასხმა, რომელიც ამ ქალაქებზე განხორციელებულა.
დრონებით თავდასხმის შედეგად, ენგელსში დაზიანდა საავადმყოფოს, საბავშვო ბაღისა და სკოლის ფანჯრები. დაშავდა ორი ადამიანი. გარდა ამისა, დაზიანდა 30-მდე სახლი რამდენიმე სოფელში.
მისივე თქმით, „აეროდრომის ტერიტორიაზე გაჩენილი ხანძრის გამო“ ობიექტთან მიმდებარე სოფლების მცხოვრებთა ევაკუაცია მიმდინარეობს.
ქალაქ ენგელსში არის სამხედრო ავიაბაზა „ენგელს-2“, რომელსც იყენებენ რუსული ბომბდამშენები უკრაინაზე საჰაერო იერიშებისთვის. ბაზა არაერთხელ გამხდარა უკრაინის სამიზნე.
როსავიაციამ ღამით სარატოვისა და სამარას აეროპორტების მუშაობაზე შეზღუდვები დააწესა.
ტელეგრამის არხმა Mash-მა თვითმხილველებზე დაყრდნობით იტყობინება აფეთქებების და ხანძრის შესახებ ადგილობრივ ნავთობგადამამუშავებელ ქარხანაში, მაგრამ ეს ინფორმაცია სხვა წყაროებით არ დასტურდება.
თავდაცვის სამინისტროს ცნობით, რუსეთის საჰაერო თავდაცვის ძალებმა გუშინ ღამით გაანადგურეს 132 უკრაინული თვითმფრინავი, მათ შორის 54 სარატოვის ოლქის თავზე.
