"გინეკოლოგიური კლინიკის" შემდეგ, უცხოელი ინვესტორი დანიელ გუფთა, არამიანცის კომპლესში შემავალ კიდევ სამ საავადმყოფის ყიდულობს. ეკონომიკისა და მდგრადი განვითარების სამინისტროში გამართულ აუქციონზე, დანიელ გუფთამ დღეს, 330 ათას ლარად "ზოგადი თერაპიის კლინიკა", 740 ათას ლარად შპს "ძმები ზუბალაშვილების სახელობის პედიატრიული კლინიკა" და 500 ათას ლარად შპს "თვალის სნეულებათა კლინიკა მზერა" შეიძინა.
სამივე ობიექტში დანიელ გუფთამ 1 მლნ. 570 ათასი ლარი გადაიხადა და ვალდებულება აიღიო, რომ სამივე ობიექტს პროფილი 7 წლის განმავლობაში შეუნარჩუნდება.
"ზოგადი თერაპიის კლინიკის" საწყისი ღირებულება 170 ათას ლარს, "თვალის სნეულებათა კლინიკა მზერა"-ს საწყისი ღირებულება 380 ათას ლარს, ხოლო "ძმები ზუბალაშვილების სახელობის პედიატრიული კლინიკის" საწყისი ღირებულება 340 ათას ლარად იყო შეფასებული.
შეგახსენებთ, რომ 20 იანვარს გამართულ აუქციონზე თბილისში პირველი კლინიკური საავადმყოფოს (ე. წ. არამიანცის) კომპლექსში შემავალი "გინეკოლოგიური კლინიკის" მფლობელი უცხოელი ფიზიკური პირი, დანიელ გუფთა გახდა. ინვესტორმა "გინეკოლოგიური კლინიკა" 720 000 ლარად შეიძინა.