სერბეთის პარლამენტმა პრემიერ-მინისტრის, მილოშ ვუჩევიჩის მთავრობის გადადგომას მხარი დაუჭირა.
ვუჩევიჩმა, რომელიც მმართველი პარტიის, „სერბეთის პრეგრესული პარტიის“ ლიდერი და პრეზიდენტ ალექსანდრ ვუჩიჩის მოკავშირეა, გადადგომის შესახებ ჯერ კიდევ 28 იანვარს განაცხადა ქვეყანაში მიმდინარე საპროტესტო გამოსვლების ფონზე. თუმცა პარლამენტმა მისი გადადგომა ახლა დაამტკიცა.
სერბეთის პრეზიდენტის, ალექსანდრ ვუჩიჩის თქმით, თუ პრემიერმინისტრის გადადგომის შემდეგ ახალი მთავრობის ფორმირება ვერ მოხერხდება მომდევნო 30 დღის მანძილზე, ვადამდელი საპარლამენტო არჩევნები ივნისში ჩაინიშნება.
სერბეთში მასობრივი საპროტესტო გამოსვლები ნოემბრის შემდეგ იმართება. დემონსტრანტები ნოვი-სადში ახლად რეაბილიტირებული რკინიგზის სადგურის სახურავის ჩამონგრევას, რასაც 15 ადამიანი ემსხვერპლა, მთავრობის კორუფციასა და ნეპოტიზმს უკავშირებენ.
