ამერიკის შეერთებულმა შტატებმა გამოაქვეყნა საიდუმლო დოკუმენტები ამერიკის 35-ე პრეზიდენტის ჯონ კენედის მკვლელობის შესახებ.
ამის შესახებ ნათქვამია ეროვნული არქივის ოფიციალურ ვებგვერდზე გამოქვეყნებულ განცხადებაში.
„პრეზიდენტ დონალდ ტრამპის 2025 წლის 17 მარტის დირექტივის შესაბამისად, ადრე გასაიდუმლოებული ყველა ინფორმაცია, რომელიც ჯონ კენედის მკვლელობის საქმის ნაწილია, გამოქვეყნდა“, - ნათქვამია არქივის განცხადებაშ.
გარდა ამისა, გასაჯაროვდა ჯონ კენედის ძმის რობერტ კენედისა და უფლებების დამცველის მარტინ ლუთერ კინგის მკვლელობის საქმეების გასაიდუმლოებული მასალებიც.
მანამდე ტრამპმა დააანონსა, რომ კენედის მკვლელობის შესახებ მასალები გასაჯაროვდებოდა. მისი თქმით, საერთო ჯამში, დაახლოებით 80 ათასგვერდიანი დოკუმენტი გახდება ცნობილი. "თქვენ ბევრი რამ გაქვთ წასაკითხი", - აღნიშნა ამერიკელმა ლიდერმა.
