უკრაინის ევროკავშირში გაწევრიანების მხარდაჭერის შესახებ უნგრეთი მოქალაქეთა გამოკითხვას ზაფხულის დასაწყისამდე ჩაატარებს.
უნგრეთის ევროპულ საკითხთა მინისტრმა, იანოშ ბოკამ ევროკავშირის ზოგად საქმეთა საბჭოს სხდომის წინ განაცხადა.
„გაფართოების პროცესის მომავალი ახლა უნგრეთის მოქალაქეების ხელშია. მათ ექნებათ შესაძლებლობა, გამოხატონ თავიანთი პოზიცია უნგრეთის მთავრობის მიერ ინიცირებული ეროვნული კონსულტაციების დროს. ველოდებით შედეგებს ზაფხულამდე“, – განაცხადა იანუშ ბოკამ.
5 მარტს უნგრეთის პრემიერ-მინისტრმა ვიქტორ ორბანმა განაცხადა, რომ უნგრეთში უკრაინის ევროკავშირში გაწევრიანების მხარდაჭერასთან დაკავშირებით გამოკითხვა ჩატარდებოდა.
