რუსეთის პრეზიდენტი ვლადიმირ პუტინი ითხოვს, შეწყდეს დასავლური იარაღის მიწოდება უკრაინისთვის, რათა მიღწეულ იქნას ცეცხლის შეწყვეტის შეთანხმება. ამის შესახებ Bloomberg წყაროზე დაყრდნობით წერს.
სააგენტოს მოსკოვური წყაროების ცნობით, რუსეთის დედაქალაქში ტრამპის სპეციალური წარმომადგენლის სტივ უიტკოფის ვიზიტის დროს პუტინმა ეს პირობა დაასახელა ცეცხლის შეწყვეტის შეთანხმების ხელმოწერისთვის.
Bloomberg-ის წყაროებმა აღნიშნეს, რომ რუსეთს სურს შეწყვიტოს იარაღის ყველა მიწოდება უკრაინისთვის, მაგრამ მისი მინიმალური მიზანია შეჩერდეს აშშ-ის დახმარება.
სააგენტოს რუსული წყაროები ასევე ამტკიცებენ, რომ პუტინის მიერ მოთხოვნილი იარაღის მიწოდების შეჩერება დროებითი იქნება.
იარაღის მიწოდება სავარაუდოდ განახლდება სამშვიდობო შეთანხმების გაფორმების შემდეგ, რომელშიც უკრაინა უნდა დათანხმდეს სამხედრო პოტენციალის შეზღუდვას.
ამავდროულად, ევროპულა წტარომ განაცხადა, რომ ნაკლებად სავარაუდოა, რომ ევროპა დაეთანხმება რუსეთის მოთხოვნას დაბლოკოს უკრაინისთვის იარაღის მიწოდება მისი მოკავშირეებისგან ნებისმიერი „ცეცხლის შეწყვეტის“ დროს.
მან ხაზგასმით აღნიშნა, რომ ამან შეიძლება გამოიწვიოს ისეთი ვითარება, როცა რუსეთი საომარი მოქმედებების შეწყვეტის დროს შეძლებს ხელახლა შეიარაღებას, ხოლო უკრაინას არ ექნება ასეთი შესაძლებლობა.
