კრემლის პრესსპიკერის, დმიტრი პესკოვის განცხადებით, აშშ-ისა და რუსეთის პრეზიდენტების სატელეფონო საუბარი დღეს, 15:00-დან 17:00 საათამდე [თბილისის დროით 17-19 სთ] პერიოდში გაიმართება.
მისი თქმით, უცნობია, რამდენ ხანს გაგრძელდება დონალდ ტრამპისა და ვლადიმირ პუტინის საუბარი.
„ისინი იმდენ ხანს ისაუბრებენ, რამდენიც მათი აზრით საჭირო იქნება“, – განაცხადა დიმიტრი პესკოვმა.
მისივე თქმით, „ბევრია იმ საკითხების რაოდენობა, რომლებიც დაკავშირებულია ორმხრივი ურთიერთობების შემდგომ ნორმალიზებასთან".
