ხვალ, 26 იანვარს, 18:00 საათზე, სასტუმრო "რედისონში" ნავთობპროდუქტების იმპორტიორთა კავშირის ორგანიზებით, გაიმართება ტრადიციული, რიგით მეშვიდე დაჯილდოების ცერემონიალი "ნავთობპროდუქტების ბიზნესსექტორში 2010 წლის შედეგებით სახელმწიფო ბიუჯეტში ყველაზე მსხვილი გადამხდელი ორგანიზაციის გამოსავლენად".
ძირითადი ნომინაციაა - 2010 წელს ნავთობპროდუქტების სექტორში სახელმწიფო ბიუჯეტში ყველაზე მსხვილი გადამხდელი ორგანიზაციები. გამოვლენილ იქნებიან და დიპლომებით დაჯილდოვდებიან ასევე სხვადასხვა ნომინაციაში გამარჯვებული კომპანიები, მათ შორის: ნავთობკომპანია, რომელმაც ყველაზე დიდი ინვესტიცია განახორციელა 2010 წელს საქართველოში და კომპანია, რომელსაც ნავთობპროდუქტების ბიზნესსექტორში ყველაზე მეტი ადამიანი ჰყავს დასაქმებული.
ნომინირებულ კომპანიებს შორის წარმოდგენილ არიან: "ეკო ჯორჯია", "სოკარ ჯორჯია პეტროლეუმი", "რომპეტროლ საქართველო", "ვისოლ პეტროლიუმ ჯორჯია", "ლუკოილ ჯორჯია" და სხვა.
ღონისძიებას დაესწრებიან საქართველოს მთავრობისა და პარლამენტის წევრები, სხვადასხვა სახელმწიფო სტრუქტურის ხელმძღვანელები, საერთაშორისო ორგანიზაციების, დიპლომატიური მისიების წარმომადგენლები, ნავთობპროდუქტების ბიზნესსექტორში მოღვაწე იმპორტიორი და რეალიზატორი კომპანიები.
