ამერიკის პრეზიდენტის ჯონ კენედის მკვლელობის საქმის შესახებ საიდუმლო დოკუმენტების დაახლოებით 80 000 გვერდი 18 მარტს გასაჯაროვდება. ამის შესახებ აშშ-ის პრეზიდენტმა დონალდ ტრამპმა გამართულ ბრიფინგზე განაცხადა.
მისი თქმით, ხალხი ამას ათწლეულების განმავლობაში ელოდა.
”მე დავავალე ჩემს ხალხს, ამაზე პასუხისმგებელ ბევრ ადამიანს, [ეროვნული დაზვერვის დირექტორის] ტულსი გაბარდის მიერ შეკრებილ ბევრ სხვადასხვა ადამიანს, ხვალ გამოქვეყნდეს ეს”, - თქვა ტრამპმა
მან აღნიშნა, რომ ფაილები არ არის რედაქტირებული.
ჟურნალისტის შეკითხვაზე, ნახა თუ არა ტრამპმა ეს მასალები, მან უპასუხა, რომ „მათ შესახებ სმენია“.
კენედის მკვლელობის ფაილების გარდა, ბრძანება, რომელსაც ტრამპმა იანვარში მოაწერა ხელი, სპეცსამსახურების წარმომადგენლებმა ასევე უნდა გაასაჯაროონ საიდუმლო ფაილები, რომლებიც დაკავშირებულია სენატორ რობერტ კენედი უფროსისა და მარტინ ლუთერ კინგი უმცროსის მკვლელობებთან.
