უნგრეთი დათანხმდა ევროკავშირის მიერ რუსეთის წინააღმდეგ სანქციების გახანგრძლივებას, უნგრეთის საგარეო საქმეთა მინისტრ პიტერ სიიარტოსა და აშშ-ის სახელმწიფო მდივან მარკო რუბიოს შორის სატელეფონო საუბრის შემდეგ. ამის შესახებ გამოცემა Politico წერს. მარკო რუბიომ მოუწოდა სიიარტოს ხელი არ შეეშალა ევროკავშირის მიერ სანქციების გახანგრძლივების პროცედურისთვის.
გამოცემის წყარების თქმით, რუბიოსა და სიიარტოს შორის საუბარმა ბუდაპეშტი დაარწმუნა, უკან დაეხია და სანქციების გახანგრძლივებისთვის მხარი დაეჭირა და ამასთან, უზრუნველყო, რომ რუსული აქტივები გაყინული დარჩენილიყო, ხოლო რუსულ იმპორტზე დაწესებული ემბარგო შენარჩუნებულიყო.
ევროკავშირის ეკონომიკური სანქციები რუსეთის წინააღმდეგ გრძელდება ევროკავშირის საბჭოს გადაწყვეტილებით წელიწადში ორჯერ - იანვარსა და ივლისში.
გასული კვირის განმავლობაში, უნგრეთმა რამდენჯერმე თქვა უარი ვეტოს მოხსნაზე, თუმცა პარასკევს რამდენიმე მოთხოვნის შესრულების სანაცვლოდ დათანხმდა.
სანქციები, რომლებიც ევროკავშირმა 2022 წელს უკრაინაში სრულმასშტაბიანი შეჭრის გამო რუსეთის 2400-ზე მეტ ფიზიკურ და იურიდიულ პირზე ვრცელდება, ბლოკის კონსენსუსის შედეგად, გახანგრძლივდება.
უნგრეთი სანქციების გახანგრძლივებას 14 მარტს, ვადის გასვლიდან 48 საათზე ნაკლებ დროში დათანხმდა.
უნგრეთის პრემიერ-მინისტრმა ვიქტორ ორბანი ამბიობდა, რომ ტრამპი დაიწყებდა „ახალ ეპოქას“, რომელშიც მას სჭირდება „რუსებთან სანქციების გარეშე ურთიერთობების შექმნა“.
თუმცა, თანამდებობის დაკავებისთანავე, ტრამპმა მოუწოდა რუსეთს უკრაინასთან რაც შეიძლება მალე დაეწყო მოლაპარაკება და გააფრთხილა, რომ წინააღმდეგ შემთხვევაში ის ახალ სანქციებს დააწესებდა რუსულ ექსპორტზე.
პოლონეთის საგარეო საქმეთა მინისტრმა რადოსლავ სიკორსკიმ ასევე განაცხადა, რომ ტრამპის მუქარამ მოსკოვის წინააღმდეგ სანქციების დაწესების შესახებ დიდი როლი ითამაშა ბუდაპეშტის გადაწყვეტილებაში. "ვფიქრობ, აქპრეზიდენტი ტრამპი დაგვეხმარა", - თქვა სიკორსკიმ ევროკავშირის საგარეო საქმეთა მინისტრების საბჭოს შეხვედრის შემდეგ.
