აშშ-ის ექვს შტატში: არკანზასში, ილინოისში, ინდიანაში, კენტუკში, მისისიპში, მისურიში და ტეხასში ძლიერი ქარიშხლის შედეგად, სულ მცირე 34 ადამიანი დაიღუპა და 29 დაშავდა. ამის შესახებ ტელეკომპანია ABC News იუწყება.
ბოლო 24 საათის განმავლობაში დასავლეთისა და სამხრეთის რვა შტატში 40-ზე მეტი ტორნადო მოხდა.
უამინდობის გამო საფრთხე კვლავ შენარჩუნებულია. გარდა ამისა, ტორნადოები დაფიქსირდა რვა შტატში: ალაბამაში, არკანზასში, მისისიპში, ლუიზიანაში, ილინოისში, ინდიანასა და ტენესში.
მანამდე მედიაში გავრცელდა ინფორმაცია, რომ ტორნადოებისა და ქარიშხლების შედეგად, რომელიც აშშ-ის სამხრეთ და დასავლეთ ნაწილებს დაატყდა თავს, სულ მცირე 19 ადამიანი დაიღუპა.
სინოპტიკოსების თქმით, გაუარესებული ამინდის პირობების გამო, შესაძლოა პრობლენები შეექმანს 138 მილიონამდე ადამიანს.
ტორნადოს გამო გაფრთხილება გაიცა ილინოისის, მისურის, მისისიპის, ინდიანასა და კენტუკის მაცხოვრებლებისთვის.
ჯორჯიისა და არკანზასის შტატებში საგანგებო მდგომარეობა გამოაცხადეს. მთლიანობაში, ქვეყნის სამხრეთით 400-ზე მეტი შტორმი დაფიქსირდა.
