საფრანგეთის პრეზიდენტმა ემანუელ მაკრონმა განაცხადა, რომ „რუსეთი არ ტოვებს იმ ქვეყნის შთაბეჭდილებას, რომელსაც გულწრფელად სურს მშვიდობა“.
ამის შესახებ მან ბრიტანეთის პრემიერ კირ სტარმერის მიერ ორგანიზებული "მსურველთა კოალიციის" ვირტუალური შეხვედრის შემდეგ განაცხადა.
„რუსეთი არ ტოვებს ისეთი ქვეყნის შთაბეჭდილებას, რომელსაც გულწრფელად სურს მშვიდობა. ის არ რაეგირებს შეერთებული შტატებისა და უკრაინის წინადადებებზე. ეს აძლიერებს საბრძოლო მოქმედებებს. პრეზიდენტ პუტინს სურს მიიღოს ყველაფერი, შემდეგ კი აწარმოოს მოლაპარაკება", - თქვა ემანუელ მაკრონმა.
"ჩვენი მშვიდობის სტრატეგია ძალის მეშვეობით ახლა საფრთხის ქვეშაა. თუ ჩვენ გვინდა მშვიდობა, რუსეთმა მკაფიოდ უნდა უპასუხოს და ზეწოლა უნდა იყოს მკაფიო, შეერთებულ შტატებთან ერთად ამ ცეცხლის შეწყვეტის მისაღწევად", - განაცხადა მაკრონმა.
მაკრონმა ასევე „მადლობა გადაუხადა უკრაინის პრეზიდენტ ზელენსკის იმისთვის, რომ გამბედაობა გამოიჩინა პრეზიდენტ ტრამპთან სამშვიდობო ინიციატივის წამოწყებისთვის“ და „ცეცხლის შეწყვეტის ერთთვიანი შემოთავაზებისთვის“.
„მდგრადი მშვიდობისთვის ჩვენ უნდა დავეხმაროთ უკრაინას მტკიცედ დადგეს, რათა ხვალ მას ჰყავდეს ძლიერი არმია, რომელიც იცავს თავის ქვეყანას და ჩვენ მზად უნდა ვიყოთ ამ მშვიდობის გარანტორი“, - განაცხადა მაკრონმა.
დღეს, 15 მარტს, "მსურველთა კოალიციის" ვირტუალური შეხვედრა გაიმართა, რომელზეც სიტყვით სტარმერი, საფრანგეთის პრეზიდენტი ემანუელ მაკრონი, უკრაინის პრეზიდენტი ვოლოდიმირ ზელენსკი და ნატო-ს გენერალური მდივანი, მარკ რუტე გამოვიდნენ.
"მსურველთა კოალიციის" შეხვედრას, მათ შორის, ევროპული კომისია, ევროპის ქვეყნები, ნატო, კანადა, უკრაინა, ავსტრალია და ახალი ზელანდია დაესწრნენ.
გაერთიანებული სამეფოს პრემიერ-მინისტრის, კირ სტარმერის თქმით, "მსურველთა კოალიციის" სამხედრო გეგმები უკრაინაში შესაძლო ცეცხლის შეწყვეტის უზრუნველყოფის შესახებ "ოპერაციულ ფაზაში" გადადის. მისივე თქმით, კოალიციის წევრი ქვეყნების სამხედროები 20 მარტს შეხვდებიან, რათა "სამშვიდობო შეთანხმების გასამყარებლად და უკრაინის მომავალი უსაფრთხოების უზრუნველსაყოფად მტკიცე და ძლიერი გეგმები შეიმუშაონ".
