ბრიტანეთის პრემიერ-მინისტრმა განაცხადა, რომ ვლადიმერ პუტინის რეაქცია ცეცხლის შეწყვეტის შესახებ ბტრამპის წინადადებაზე აჩვენებს, რომ მას „დროის გაჭიანურება განზრახვა ქვს.
შაბათს მოკავშირეებთან შეხვედრის წინ, რომელზეც მთავარი თემა უკრაინის მხარდაჭერა იქნება ,კირ სტარმერმა გაავრცელა განცხადება, რომელშიც გააკრიტიკა რუსეთის პრეზიდენტი, რომელმაც აჩვენა, რომ ცეცხლის შეწყვეტის სურვილი არ აქვს.
„ჩვენ არ შეგვიძლია დავუშვათ პრეზიდენტმა პუტინმა ითამაშოს პრეზიდენტ ტრამპის შეთანხმებით.
კრემლის მიერ ცეცხლის შეწყვეტის შესახებ პრეზიდენტ ტრამპის წინადადების სრული უგულებელყოფა მხოლოდ იმას აჩვენებს, რომ პუტინი არ არის სერიოზულად განწყობილი სამშვიდობო შეთანხმების მიმართ.
თუ რუსეთი საბოლოო ჯამში დაჯდება მოლაპარაკებების მაგიდასთან, ჩვენ მზად უნდა ვიყოთ ცეცხლის შეწყვეტის მონიტორინგისთვის, რათა დავრწმუნდეთ, რომ ეს იქნება სერიოზული და ხანგრძლივი მშვიდობა.
თუ ეს არ მოხდება, მაშინ ჩვენ უნდა გამოვიყენოთ მთელი ჩვენი ძალისხმევა რუსეთზე ეკონომიკური ზეწოლის გასაძლიერებლად, რათა ეს ომი დასრულდეს. პუტინი ცდილობს გაწელოს დრო და თქვას, რომ საკითხი საგულდაგულოდ უნდა იქნას შესწავლილი, ვიდრე ცეცხლის შეწყვეტა მიიღწევა. მაგრამ მსოფლიოს სჭირდება მოქმედება და არა შესწავლა ან ცარიელი სიტყვები და უაზრო პირობები.
ჩემი გზავნილი კრემლისადმი არ შეიძლება იყოს ამაზე უფრო მკაფიო: ერთხელ და სამუდამოდ შეაჩერეთ ბარბაროსული თავდასხმები უკრაინაზე და დათანხმდით ცეცხლის შეწყვეტას ახლავე. მანამდე ჩვენ გავაგრძელებთ მუშაობას 24 საათის განმავლობაში მშვიდობის უზრუნველსაყოფად“, - განაცხადა კირ სტარმერმა
