ჯედაში გამართულ შეხვედრაზე, სხვა საკითხებთან ერთად, უკრაინამ განუცხადა ამერიკულ მხარეს, რომ არ დათანხმდება ნატო-ში გაწევრიანებაზე უარის თქმას, როგორც შესაძლო „სამშვიდობო შეთანხმების“ ნაწილს.
უკრაინული მედიის ცნობით, უკრაინულმა მხარემ ამერიკელ პარტნიორებს აცნობა თავისი „წითელი ხაზების“ შესახებ.
„ჩვენ ასევე განვიხილეთ ნატო-ს საკითხი და ნათლად განვაცხადეთ, რომ უკრაინის დღის წესრიგიდან მისი ამოღება შეუძლებელია“, - განიცხადა უკრაინულ მედიას წყარომ.
თანამოსაუბრემ ასევე განმარტა, რომ მოლაპარაკებების დროს განიხილეს უკრაინის სხვა საკვანძო პოზიციებიც მომავალ მოლაპარაკებებში.
„უკრაინისთვის არის წითელი ხაზები – კერძოდ, რომ არ შეიძლება იყოს შეზღუდვები ჯარის რაოდეობაზე, არ შეიძლება იყოს აკრძალვები უკრაინის [საერთაშორისო ორგანიზაციებში] მონაწილეობასთან დაკავშირებით, მათ შორის ევროკავშირსა და ნატო-ში.
ნატო-ს საკითხზე [წითელი ხაზის] საკითხი ერმაკმაც დააყენა, რომ რუსეთს არ უნდა ჰქონდეს ვეტოს უფლება“, - განუცხადა მედიას წყარომ.
