ბიზნესმენმა გიორგი ჩიკვაიძემ, რომელიც გუშინ სასამართლო დარბაზში დააკავეს, საპატიმროში შიმშილობა დაიწყო.
პატიმარი ჯანმრთელობის შესაძლო გაუარესებაზე პასუხისმგებლობას ბიძინა ივანიშვილს და მთავარ პროკურორს აკისრებს.
"მე არ შევეგუები ამ სისტემის მიერ ჩაგვრას! დღეიდან გადავდივარ სრულ შიმშილობაზე.
ამჯერადაც ვიქნები გამორჩეული ჩემს პრინციპულობაში, თუნდაც ეს დამიჯდეს სიცოცხლის ფასად, ამას გავაკეთებ ჩემი ქვეყნის სიყვარულისთვის.
პასუხისმგებლობა მომხდარზე დაეკისრება რუსულ რეჟიმს, რუსეთის აგენტ ბიძინა ივანიშვილს და კორუმპირებულ გიორგი გაბიტაშვილს.
ასევე მინდა მივმართო ჩვენი ოჯახის ახლობლებს და ნაცნობებს, ყველა ვინც დუმხართ, ხართ ამ პროცესის მონაწილე.
მეგობრებო არ გაჩერდეთ ბრძოლა გრძელდება გამარჯვებამდე"- ამბობს ჩიკვაიძე. მის განცხადებას "ტვ პირველი" ავრცელებს.
11 მარტს თბილისის საქალაქო სასამართლომ დიდი ოდენობით თანხების მითვისების ფაქტზე გიორგი ჩიკვაიძეს გირაო პატიმრობით შეუცვალა.
