აშშ-ს არასდროს შეუწყვეტია უკრაინისთვის თავდაცვითი სადაზვერვო ინფორმაციის მიწოდება, – ამის შესახებ ახლო აღმოსავლეთში აშშ-ის პრეზიდენტის, დონალდ ტრამპის წარმომადგენელმა სტივ უიტკოფი FOX News-ის ეთერში განაცხადა.
ჟურნალისტმა უიტკოფს ჰკითხა, ამ დროისთვის შეჩერებულია თუ არა კიევისთვის სადაზვერვო მონაცემების მიწოდება.
"ჩვენ არასდროს შეგვიჩერებია თავდაცვისთვის აუცილებელი სადაზვერვო მონაცემების მიწოდება უკრაინისთვის". – უპასუხა უიტკოფმა ჟურნალისტის კითხვას.
ამასთან, უიტკოფის თქმით, იმედი აქვს, რომ ამ კვირის შეხვედრების განმავლობაში სასარგებლო წიაღისეულის შესახებ შეთანხმებას ხელს მოაწერენ.
„ზელენსკიმ გამოაქვეყნა წერილი, რომელშიც ოვალურ ოფისში მომხდარი ინციდენტის გამო ბოდიში მოიხადა. ვფიქრობ ეს მნიშვნელოვანი ნაბიჯი იყო. მიმდინარეობს აქტიური მოლაპარაკება. იმედი მაქვს შეთანხმება შედგება". – თქვა უიტკოფმა.
