დანიის მთავრობამ და პარლამენტმა მიაღწიეს კონსენსუსს უკრაინაში სამშვიდობო კონტიგენტის გაგზავნის თაობაზე სამომავლო სამშვიდობო შეთანხმების უზრუნველსაყოფად.
მედიის ცნობით, დანიის საგარეო საქმეთა მინისტრი ლარს ლოკე რასმუსენი და და თავდაცვის მინისტრი ტროელს ლუნდი შეხვდნენ პარლამენტის საგარეო ურთიერთობათა კომიტეტის წევრებს, რა დროსაც მათ განუმარტეს მთავრობის პოზიცია უკრაინაში ჯარების გაგზავნის შესახებ და მიიღეს მხარდაჭერა საპარლამენტო პარტიების ფართო სპექტრისგან.
„მნიშვნელოვანია, რომ ჩვენ ევროპაში სწორი სიგნალები გავუგზავნოთ როგორც პუტინს, ასევე ვაშინგტონს.
ეს არის ის, რასაც ჩვენ დღეს ვაკეთებთ, როდესაც ვამბობთ: "თუ საქმე მიდის იქამდე, რომ ცეცხლის შეწყვეტა ან სამშვიდობო შეთანხმება მოითხოვს ევროპის ყოფნას [უკრაინაში], დანია პრინციპში მზად არის ამის გასაკეთებლად", - თქვა რასმუსენმა.
თუმცა, პოლსენის თქმით, უკრაინაში ჯარების გაგზავნის კონკრეტული გეგმები ჯერ არ არის.
„ჩვენ არ გადაგვიწყვეტია რაიმე კონკრეტული ვალდებულებების აღება, ეს იმაზე იქნება დამოკიდებული, თუ როგორ განვითარდება მოვლენები, - განაცხადა თავდაცვის მინისტრმა.
