უკრაინა 2020-2024 წლებში მსოფლიოში იარაღის უმსხვილესი იმპორტიორების სიაში ლიდერობს. მისი იმპორტი 2015-2019 წლებთან შედარებით თითქმის 100-ჯერ გაიზარდა.
ამის შესახებ ნათქვამია სტოკჰოლმის საერთაშორისო მშვიდობის კვლევის ინსტიტუტის ანგარიშში (SIPRI).
უკრაინა ერთადერთი ევროპული ქვეყანაა იარაღის იმპორტიორთა ათეულში. ამავდროულად, ევროპის ბევრმა სხვა ქვეყანამ ასევე მნიშვნელოვნად გაზარდა იარაღის შესყიდვები ბოლო წლებში.
საერთო ჯამში, საერთაშორისო იარაღის მიწოდების მოცულობა წინა პერიოდების დონეზე რჩებოდა, მაგრამ რეგიონული ვითარება შეიცვალა.
იარაღზე მოთხოვნა ევროპასა და ამერიკაში გაიზარდა, ხოლო მსოფლიოს სხვა ნაწილებში დაეცა.
2022 წელს რუსეთის სრულმასშტაბიანი შემოჭრის შემდეგ, უკრაინას იარაღი სულ მცირე 35-მა ქვეყანამ მიაწოდა.
2020-2024 წლებში ქვეყანა იღებდა იარაღის გლობალური იმპორტის 8,8%-ს.
მთავარი მომწოდებლები იყვნენ აშშ (მიწოდების 45%), გერმანია (12%) და პოლონეთი (11%).
ნატო-ს ევროპელი წევრების მიერ იარაღის იმპორტი გაორმაგდა 2015-19 და 2020-24 წლებში (+105%).
შეერთებულმა შტატებმა მიაწოდა ამ იარაღის 64 პროცენტი, რაც მნიშვნელოვნად აღემატება 2015-19 წლებში 52 პროცენტს.
სხვა ძირითადი მომწოდებლები იყვნენ საფრანგეთი და სამხრეთ კორეა (თითოეული 6,5 პროცენტი), გერმანია (4,7 პროცენტი) და ისრაელი (3,9 პროცენტი).
