რუსეთსა და შეერთებულ შტატებს წინ გრძელი და რთული გზა აქვთ ორ ქვეყანას შორის ურთიერთობების აღდგენამდე. ამის შესახებ ბრიფინგზე რუსეთის პრეზიდენტის პრესსპიკერმა დმიტრი პესკოვმა განაცხადა.
„ჩვენ ორმხრივი ურთიერთობების აღდგენის გზის საწყის ეტაპზე ვართ.
წინ გზა საკმაოდ გრძელი და რთული იქნება“, - განაცხადა კრემლის წარმომადგენელმა.
„ყოველ შემთხვევაში ორმა პრეზიდენტმა [პუტინმა და ტრამპმა] გამოხატეს პოლიტიკური ნება ამ მიმართულებით“, - განაცხადა პესკოვმა და აღნიშნა, რომ აშშ-ის პრეზიდენტი „საკმარისად კონსტრუქციულია იმისთვის, რომ იყოს დიალოგში და გადაჭრას პრობლემები“.
