ახალბედა პოლიტიკოსმა და კანადის ბანკის ყოფილმა ხელმძღვანელმა მარკ კარნიმ კანადის მმართველი ლიბერალური პარტიის არჩევნები მოიგო და პრემიერ-მინისტრის პოსტზე ჯასტინ ტრუდოს შეცვლის. იუწყება Reuters
59 წლის კარნიმ პარტიის ხელმძღვანელის არჩევნებში მოიპოვა ხმების 86 პროცენტი და აჯობა ყოფილ ფინანსთა მინისტრს კრისტია ფრილენდს. არჩევნებში პარტიის 152,000-მდე წევრი მონაწილეობდა.
კარნი, რომელიც მანამდე ხელმძღვანელობდა კანადისა და ინგლისის ცენტრალურ ბანკებს, იქნება კანადის პირველი პრემიერ-მინისტრი პოლიტიკური გამოცდილების გარეშე.
მისი ხელისუფლებაში მოსვლა ემთხვევა შეერთებულ შტატებთან დაწყებულ სავაჭრო ომს, რომელიც პრეზიდენტმა დონალდ ტრამპმა გამოიწვია.
კარნიმ ხაზგასმით აღნიშნა, რომ კანადა ტრამპს უფლებას არ მისცემს ქვეყნის ეკონომიკა დაასუსტოს.
წინასაარჩევნო კამპანიის დროს კარნიმ თქვა, რომ მხარს უჭერს შეერთებული შტატების წინააღმდეგ საპასუხო ტარიფებს და კოორდინირებულ სტრატეგიას ინვესტიციების სტიმულირებისთვის.
"არსებობს ვიღაც, რომელიც ცდილობს ჩვენი ეკონომიკის დასუსტებას. ის თავს ესხმის კანადელ მუშებს, ოჯახებსა და ბიზნესს. ჩვენ არ მივცემთ მას წარმატების უფლებას", - თქვა კარნიმ პარტიის ყრილობაზე.
მან ასევე ხაზი გაუსვა, რომ მისი მთავრობა იმოქმედებს სწრაფად და არასტანდარტულად.
”ჩვენ მოგვიწევს ისეთი სისწრაფით ვიმოქმედოთ, რასაც აქამდე ვერ წარმოვიდგენდით, რაც შეუძლებელი გვეგონა”, - თქვა კარნიმ.
ჯასტინ ტრუდომ, 9-წლიანი მმართველობსი შემდეგ პრემიერობიდან გადადგომის შესახებ იანვარში განაცხადა.
