საფრანგეთი უკრაინას 195 მილიონი ევროს სამხედრო დახმარებას გაუწევს რუსული გაყინული აქტივებიდან. ამის შესახებ საფრანგეთის თავდაცვის მინისტრმა სებასტიან ლეკორნუ La Tribune Dimanche-თან ინტერვიუში განაცხადა.
მისი თქმით, ეს თანხები მოხმარდება 155 მმ-იანი საარტილერიო ჭურვებისა და AASM-ის საჰაერო ბომბების მიწოდებას, რომლებსაც Mirage 2000-ისტიპის გამანადგურებლებიიყენებენ.
საფრანგეთი ასევე დააჩქარებს AMX-10RC-ის მსუბუქი ტანკების და VAB ჯავშანტექნიკის გადაცემას, რომლებსაც ადრე ფრანგი სამხედროები იყენებდნენ.
როგორც La Tribune Dimanche წერს, გეოპოლიტიკური არასტაბილურობის ფონზე საფრანგეთი თავის მოკავშირეებთან ერთად აძლიერებს საკუთარ თავდაცვით პოტენციალს.
ლეკორნუმ დაასახელა საბრძოლო მასალები და რადიოელექტრონული ბრძოლა, როგორც ძირითადი პრიორიტეტები მომავალი წლებისთვის.
მან ასევე ილაპარაკა დრონების მნიშვნელობაზე, ჯარების რობოტიზაციაზე, ხელოვნური ინტელექტისა და კოსმოსური ტექნოლოგიების განვითარებაზე.
როგორც უკრაინის, ასევე საკუთარი არმიის მხარდასაჭერად, საფრანგეთი ზრდის სამხედრო ტექნიკის წარმოებას.
