ევროპული საბჭოს პრეზიდენტმა ანტონიო კოშტამ ევროკავშირის უსაფრთხოების სამიტის შემდეგ გამართულ პრესკონფერენციაზე განაცხადა, რომ ევროკავშირის რამდენიმე წევრი ქვეყანა უკრაინას დამატებითი დახმარების სახით 15 მილიარდ ევროს გამოუყოფს
კოშტამ ხაზგასმით აღნიშნა, რომ ევროკავშირის ქვეყნებს შეუძლიათ დაუყოვნებლივ გაზარდონ უკრაინის მხარდაჭერა ფისკალური სივრცის გაზრდის ინიციატივებით, ახალი ვალდებულებები უკვე დაახლოებით 15 მილიარდ ევროს შეადგენს.
„2022 წლიდან უკრაინის მხარდასაჭერად ჩვენ უკვე გამოვყავით 135 მილიარდ ევროზე მეტი. ჩვენი მხარდაჭერა ურყევია, თუ ომი გაგრძელდება, ნებისმიერ მომავალში, სამშვიდობო მოლაპარაკებებში, აღდგენაში, ევროკავშირში გაწევრიანებაში“, - განაცხადა კოშტამ.
მან დასძინა, რომ ევროკავშირის წევრები ახლა მზად არიან გაზარდონ უკრაინის მხარდაჭერა.
"წევრ სახელმწიფოებს შეუძლიათ დაუყოვნებლივ გაზარდონ მხარდაჭერა გაზრდილი ფისკალური სივრცის წყალობით. რამდენიმე წევრმა ქვეყანამ უკვე გამოაცხადა 15 მილიარდ ევრომდე ვალდებულება", - განაცხადა ევროპული საბჭოს პრეზიდენტმა.
