აშშ-ის პრეზიდენტის სპეციალურმა წარმომადგენელმა ახლო აღმოსავლეთში სტივ უიტკოფმა ჟურნალისტებს განუცხადა, რომ დონალდ ტრამპს მოეწონა ზელენსკის გზავნილი, რომელსაც მან „წერილი“ უწოდა.
„მან მიიჩნია ზელენსკის წერილი ძალიან პოზიტიურ პირველ ნაბიჯად. იყო ბოდიში. იყო აღიარება, რომ შეერთებულმა შტატებმა ძალიან ბევრი გააკეთა უკრაინისთვის და იყო მადლიერების გრძნობა“, - თქვა უიტკოვმა.
28 თებერვალს თეთრ სახლში გამართული სკანდალური შეხვედრის შემდეგ ზელენსკიმ თქვა, რომ ბოდიში არ ჰქონდა მოსახდელი, რადგან არაფერი დაუშავებია. მაგრამ 4 მარტს სოციალურ ქსელში დაწერა, რომ მომხდარს ნანობდა.
მოგვიანებით, იმავე დღეს, კონგრესის წინაშე სიტყვით გამოსვლისას, ტრამპმა თქვა, რომ მან მიიღო "მნიშვნელოვანი წერილი" ზელენსკისგან, რომელშიც მითითებულია მისი მზადყოფნა დაჯდეს მოლაპარაკებების მაგიდასთან.
უკრაინის ოფიციალური პირები არ ადასტურებენ რაიმე კონკრეტული წერილის არსებობას და რომ ტრამპი ეხმიანებოდა ზელენსკის სოციალურ ქსელში გამოქვეყნებული პოსტის შინაარსს. ამასთან, უკრაინის ელჩმა შეერთებულ შტატებში თქვა, რომ კიევის გზავნილი ვაშინგტონში სწორედ ამ ფორმით მივიდა.
