რესპუბლიკელი სენატორი ლინდსი გრემი მოელის, რომ აშშ-ის პრეზიდენტი დონალდ ტრამპი ახალ სანქციებს დაუწესებს რუსეთის ეკონომიკას, თუ ვლადიმირ პუტინი მოლაპარაკებების მაგიდასთან არ დაჯდება.
ამის შეახები გრემი Х-ზე წერს.
გრემის კომენტარი მოჰყვა ვლადიმირ პუტინის განცხადებას, რომ რუსეთი შეეცდება ომის მშვიდობიანი გზით მოგვარებას, რომელიც მისი გრძელვადიან უსაფრთხოებას უზურიველყოფს და არ დათმობს იმას, რაც მას ეკუთვნის.
გრემმა აღნიშნა, რომ ბოლო 48 საათის განმავლობაში უკრაინამ გააკეთა მნიშვნელოვანი განცხადებები ცეცხლის შეწყვეტის, მინერალებზე შეთანხმების და სამშვიდობო მოლაპარაკებების ვალდებულების შესახებ. მაგრამ „პუტინი საჯაროდ და დაჟინებით უარყოფს პრეზიდენტ ტრამპის წინადადებებს“.
„თუ პუტინი სერიოზულად უარს იტყვის სამშვიდობო მაგიდასთან დაჯდომაზე, იმედი მაქვს და ველი, რომ პრეზიდენტი ტრამპი უფრო მეტ ეკონომიკურ სანქციებს დააწესებს რუსეთის საბანკო და ენერგეტიკულ სექტორების წინააღმდეგ და, საჭიროების შემთხვევაში, დაუწესებს მასობრივ ტარიფებს. რუსეთის ისედაც სუსტ ეკონომიკაზე გავლენა აიძულებს მათ დასხდნენ მოლაპარაკების მაგიდასთან“, - განაცხადა ლინდსი გრემმა.
მან ხაზგასმით აღნიშნა, რომ დადგა დრო, რომ დასრულდეს ომი რუსეთსა და უკრაინას შორის სამართლიანად, როგორც ამას პრეზიდენტი ტრამპი ცდილობს.
