რუმინეთში რუსეთის დახმარებით ხელისუფლების დამხობის მცდელობის ბრალდებით ექვსი პირი დააკავეს. ინფორმაციას რუმინეთის პროკურატურა ავრცელებს.
უწყების ცნობით, 2023 წელს შექმნილი დაჯგუფების წევრები ხელისუფლებაში ახალი მთავრობის მოყვანას, არსებული კონსტიტუციური წესრიგის განადგურებას, რუმინეთის სახელმწიფო დროშის, ჰიმნისა და სახელწოდების შეცვლას გეგმავდნენ.
„ექვსი დაკავებულიდან ხუთმა 2023 წელს ჩამოაყალიბა ორგანიზებული დანაშაულებრივი ჯგუფი რუმინული სახელმწიფოს სუვერენიტეტისა და დამოუკიდებლობის შესარყევად, ქვეყნის თავდაცვისუნარიანობის პოლიტიკური მეთოდებით დარღვევის გზით. დანაშაულებრივი დაჯგუფების წევრები არაერთხელ დაუკავშირდნენ უცხო სახელმწიფოს აგენტებს, რომლებიც იმყოფებოდნენ როგორც რუმინეთში, ასევე რუსეთის ფედერაციაში“, – ნათქვამია პროკურატურის განცხადებაში.
მოსკოვის აცხადებს, რომ რუმინეთის პროკურატურის გადაწყვეტილებას რეაგირება მოყვება.
