რუსეთის ფედერაციამ აშშ-ში ელჩად ოფიციალურად ალექსანდრ დარჩიევი დანიშნა, რომელიც მანამდე საგარეო საქმეთა სამინისტროში დეპარტამენტის უფროსის თანამდებობას იკავებდა.
რუსეთის წინა ელჩმა შეერთებულ შტატებში მუშაობა 2024 წლის ოქტომბერში დაასრულა.
27 თებერვალს თურქეთის ქალაქ სტამბოლში აშშ-ისა და რუსეთის ფედერაციის წარმომადგენლების შეხვედრა გაიმართა. შეთანხმდნენ, რომ მომდევნო შეხვედრა უახლოეს მომავალში გაიმართება. თარიღი და ადგილი ჯერ დადგენილი არ არის.
რუსეთისა და შეერთებული შტატების დელეგაციებს შორის კონსულტაციების დროს ამერიკულმა მხარემ გადასცა აგრემანი რუსეთის საგარეო საქმეთა სამინისტროს ჩრდილო-ატლანტიკური დეპარტამენტის დირექტორის დარჩიევის ახალ საგანგებო და სრულუფლებიან ელჩად დანიშვნის შესახებ.
