საფრანგეთის თავდაცვის მინისტრმა სებასტიან ლეკორნუმ განაცხადა, რომ საფრანგეთი უკრაინას სთავაზობს სადაზვერვო ინფორმაციებს მას შემდეგ, რაც ვაშინგტონმა განაცხადა, რომ აჩერებს კიევისთვის სადაზვერვო ცნობების გაზიარებას, რითიც ცდილობს გაზარდოს ზეწოლა უკრაინის პრეზიდენტ ვოლოდიმირ ზელენსკისზე. ამის შესახებ Reuters იუწყება.
ჩვენ გვაქვს სადაზვერვო რესურსი, რომელსაც ვიყენებთ უკრაინელების დასახმარებლად“, - განაცხადა ლეკორნუმ.
შეერთებულ შტატების მიერ უკრაინისთვის სადაზვერვო ინორმაციების გაზიარებაზე საუბრისას მან აღნიშნა, რომ „ეს გუშინდელი დღიდან შეჩერებულია“.
„ვფიქრობ, ჩვენი ბრიტანელი მეგობრებისთვის, რომლებიც შეერთებულ შტატებთან სადაზვერვო თანამშრომლობაში არიან, ეს უფრო რთულია“, - თქვა ლეკორნუმ.
შეგახსენებთ, გუშინ ცნობილი გახდა, რომ შეერთებულმა შტატებმა უკრაინას სადაზვერვო ინფორმაციების მიწოდება შეუჩერა.
