„სურსათის უვნებლობისა და ხარისხის შესახებ" კანონის თანახმად ყველა სახის სურსათის და ცხოველების საკვების მწარმოებელი საწარმოები, ასევე კვების პროდუქტების დისტრიბუტორი, მათ შორის რეალიზატორი კომპანიები ვალდებულნი არიან საწარმოში დანერგონ მიკვლევადობისა და საფრთხეების შიდა კონტროლის სისტემები (HACCP).
სურვილის შემთხვევაში, GSMEA-ს და PMCG-ს საერთაშორისო აუდიტორ-კონსულტანტები უფასოდ ჩაატარებენ კომპანიის „ნულოვან აუდიტს" (კომპანიაში არსებული სიტუაციის ანალიზი HACCP სტანდარტებთან მიმართებაში), რომელიც კომპანიებს საშუალებას მისცემს: უსტად განსაზღვროთ სერტიფიცირებისათვის სავალდებულო საჭიროებები; რა დრო დაიხარჯება სერტიფიცირებისათვის; რა ფინანსურ რესურსებს მოითხოვს სერტიფიცირება; რომელი მასერტიფიცირებელი ორგანო იქნება სასურველი.

HACCP სისტემის შესახებ ინფორმაციის მისაღებად ყოველ პარასკევს 4-დან 6 საათამდე PMCG-ს ოფისში იმართება უფასო საინფორმაციო-საკონსულტაციო შეხვედრები PMCG-ს საერთაშორისო აუდიტორ-კონსულტანტების მიერ.

შეგახსენებთ, რომ საქართველოს მცირე და საშუალო საწარმოთა ასოციაცია - GSMEA არის არასამთავრობო, არაპოლიტიკური და არაკომერციული ორგანიზაცია, რომლის მიზანი მცირე და საშუალო ბიზნესის ინტერესების დაცვა და ქვეყანაში ჯანსაღი კონკურენტული პირობების შექმნის ხელშეწყობაა. ასევე მცირე და საშუალო ბიზნესსექტორის მხრიდან აქტიური კომუნიკაციის დამყარება სახელისუფლებო სტრუქტურებთან, საფინანსო ინსტიტუტებთან და უშუალოდ საზოგადოებასთან.

PMCG-ს საერთაშორისო სასერტიფიკაციო ორგანოების მიერ აკრედიტირებული აუდიტორ-კონსულტანტები, საშუალებას იძლევა HACCP სისტემა დაინერგოს ყველაზე ხარისხიანად და სწრაფად. PMCG-ს გააჩნია 10 წლიანი გამოცდილება HACCP სისტემის წარმატებით დანერგვაში და უკვე განხორციელებული აქვთ მრავალი წარმატებული პროექტი სხვადასხვა სექტორებში, მათ შორის: შპს „აგარა შუგარ მენეჯმენტი", შპს „სანტე", შპს „M ჯგუფი", შპს „ენისელი", შპს „ფუდ სერვისი", შპს „LGM", შპს „ბიო კოდეკი", შპს „თხილის ქარხანა" და სხვა.