შეერთებული შტატების პრეზიდენტმა დონალდ ტრამპმა კონგრესის გაერთიანებულ სხდომას სიტყვით მიმართა.
დონალდ ტრამპის განცხადებით, უკრაინა მზადაა, ხელი მოაწეროს მინერალების შეთანხმებას ნებისმიერ დროს.
ეს შეთანხმება აშშ-ს მისცემს წვდომას უკრაინის ბუნებრივი რესურსების ნაწილზე - რაც ტრამპის თქმით, აანაზღაურებს ვაშინგტონის მხარდაჭერას უკრაინაში რუსეთის შეჭრის დაწყების შემდეგ.
მინერალების შეთანხმება ჩავარდნის პირას აღმოჩნდა გასულ კვირას მას შემდეგ, რაც თეთრ სახლში გამართულ შეხვედრაზე მწვავე სიტყვიერი დაპირისპირება მოხდა ვოლოდიმირ ზელენსკის, დონალდ ტრამპმსა და ჯეი დი ვენსს შორის.
ტრამპმა განაცხადა, რომ უკრაინის პრეზიდენტმა ვოლოდიმირ ზელენსკიმ წერილი გაუგზავნა, სადაც ნათქვამია, რომ კიევი მზად არის მოლაპარაკებების მაგიდასთან, რაც შეიძლება მალე დაჯდეს, რათა მდგრად მშვიდობას მიაღწიოს.
ტრამპის თქმით, აფასებს ამ წერილს და დასძინა, რომ "ერთდროულად, ჩვენ გვქონდა სერიოზული დისკუსიები რუსეთთან და მივიღეთ ძლიერი სიგნალები, რომ ისინი მზად არიან მშვიდობისთვის".
მან უკრაინას მხარდაჭერა გამოუცხადა და განაცხადა, რომ "დაუღალავად მუშაობს იქ ველური კონფლიქტის დასასრულებლად".
მილიონობით უკრაინელი და რუსი უაზროდ მოკლეს ან დაჭრეს ამ საზარელ და სასტიკ კონფლიქტში, რომელსაც დასასრული არ ჩანს", - თქვა ტრამპმა. "შეერთებულმა შტატებმა ასობით მილიარდი დოლარი გაუგზავნა უკრაინის თავდაცვის მხარდასაჭერად, ყოველგვარი უსაფრთხოების და ყველაფრის გარეშე".
