პოლონეთის პრემიერ-მინისტრმა დონალდ ტუსკმა პოლონეთის მთავრობის სხდომის გახსნისას განაცხადა, რომ საზღვრიდან მიღებული ცნობებით დასტურდება, რომ უკრაინისთვის აშშ-ის დახმარება შეჩერებულია.
მისი თქმით, ეს უფრო რთულ ვითარებაში აყენებს ევროპას, უკრაინას, პოლონეთს, მაგრამ უნდა გაუმკლავდ ნენ ამ მდგომარეობას.
„სიტუაცია სერიოზულია, მე არ მჭირდება ვინმეს დარწმუნება, რომ ეს ხელისუფლებისგან განსაკუთრებულ კონცენტრაციას მოითხოვს“, - განაცხადა ტუსკმა.
"ჩვენ მივიღებთ გადაწყვეტილებებს, რომლებიც მოითხოვს სახელმწიფოს, სამინისტროების სრულ სოლიდარობას. დადგება დღეები და კვირები, როდესაც აბსოლუტურად აუცილებელია შეწყდეს უშედეგო დისკუსიები, დავები პრესტიჟზე, კოალიციური უთანხმოება", - მიმართა ტუსკმა მინისტრებს და აღნიშნა, რომ მთავრობას მოუწევს გადაწყვეტილებების მიღება "განსაკუთრებულ რეჟიმში".
