აშშ-ს სახაზინო მდივანმა სკოტ ბესენტმა განაცხადა, რომ უკრაინის იშვიათ წიაღისეულზე შესახებ შეთანხმება ამჟამად არ განიხილება. ამის შესახებ მან CBS-ის ეთერში ისაუბრა.
"არ ვიცი რაზე ფიქრობდა პრეზიდენტი ზელენსკი. ორშაბათს გვქონდა საფრანგეთის პრეზიდენტთან ემანუელ მაკრონთაბ შესანიშნავი შეხვედრა. ხუთშაბათს გვქონდა [დიდი ბრიტანეთის] პრემიერ-მინისტრ კირ სტარმერთან ფანტასტიკური შეხვედრა. მათ ყველამ მხარი დაუჭირა სამშვიდობო შეთანხმების პროგრესს“, - აღნიშნა ბესენტმა.
ბესენტის თქმით, ზელენსკის ხელი უნდა მოეწერა ეკონომიკურ შეთანხმებაზე, რომელსაც შეეძლო ორ ქვეყანას შორის თანამშრომლობის გაღრმავება, მაგრამ ეს არ მოხდა.
"ზელენსკის მხოლოდ უნდა შემოსულიყო და ხელი მოეწერა ამ ეკონომიკური შეთანხმებისთვის, რითაც კიდევ ერთხელ დაადასტურებდა სრულ ერთიანობას უკრაინელ და ამერიკელ ხალხს შორის. მაგრამ მან გადაწყვიტა ამ ყველაფრის განადგურება", - თქვა ბესენტმა.
შეკითხვაზე, გრძელდება თუ არა შეთანხმებაზე მოლაპარაკებები, ბესენტმა უპასუხა, "ჯერ არა".
