ლონდონში იტალიის პრემიერ-მინისტრ ჯორჯია მელონისთან შეხვედრისას უკრაინის პრეზიდენტმა ვოლოდიმირ ზელენსკიმ განიხილა ერთობლივი სამოქმედო გეგმა უკრაინაში ომის სამართლიანი დასრულებისთვის. ამის შესახებ ზელენსკი Х-ზე წერს.
ზელენსკის თქმით, ეს იყო კარგი შეხვედრა ერთობლივი სამოქმედო გეგმის შემუშავებისთვის, რათა დასრულდეს ომი სამართლიანი და მდგრადი მშვიდობით.
„არავინ არის დაინტერესებული ომის გაგრძელებით და სწრაფი დაბრუნებით, გარდა პუტინისა, ამიტომ მნიშვნელოვანია უკრაინის ირგვლივ ერთიანობის შენარჩუნება და ჩვენი სახელმწიფოს პოზიციის გაძლიერება მოკავშირეებთან - ევროპის ქვეყნებთან და შეერთებულ შტატებთან თანამშრომლობით.
უკრაინას სჭირდება მშვიდობა, უსაფრთხოების საიმედო გარანტიებით. მადლობა იტალიას მხარდაჭერისა და პარტნიორობისთვის უკრაინაში მშვიდობის მოახლოებაში“, - წერს ზელენსკი.
ბრიტანეთის პრემიერ-მინისტრთან შეხვედრაზე მელონიმ ხაზი გაუსვა დასავლეთში განხეთქილების რისკის თავიდან აცილების მნიშვნელობას.
მელონის თქმით, გაერთიანებულ სამეფოსა და იტალიას შეუძლიათ, საკვანძო როლი შეასრულონ ხიდების აგებაში.
