ჟურნალისტი ალექს რაუფოღლუ აშშ-ის სახელმწიფო დეპარტამენტის პრესსპიკერის კომენტარს ავრცელებს, რომელშიც საუბარია აზერბაიჯანის მთავრობის მხრიდან ჟურნალისტების, აქტივისტების, უფლება დამცველებისა და ოპოზიციონერების მასობრივ დევნაზე.
პრესსპიკერი ხაზს უსვამს აშშ-ის ვიცე-პრეზიდენტის, ჯეი დი ვენსის განცხადებებს გამოხატვის თავისუფლების დაცვის შესახებ და იმედს გამოთქვამს, რომ აზერბაიჯანის მთავრობა ამ გზავნილებს სერიოზულად მიიღებს.
"აზერბაიჯანელი ჟურნალისტების, სამოქალაქო საზოგადოების აქტივისტების, ადამიანის უფლებათა დამცველებისა და ოპოზიციური ფიგურების დაკავებების გაგრძელება უკიდურესად შემაშფოთებელია.
როგორც ვიცე-პრეზიდენტმა ვენსმა ხაზგასმით აღნიშნა, ჩვენ უნდა დავუჭიროთ მხარი გამოხატვის თავისუფლებას, შევაჩეროთ ცენზურა და უარვყოთ ოპოზიციის ჩახშობა, და ველით, რომ აზერბაიჯანის მთავრობა ამ გზავნილს სერიოზულად მიიღებს", - აღნიშნულია რაუფოღლუს მიერ გავრცელებულ პოსტში.
