უკრაინის პრეზიდენტის ვოლოდიმირ ზელენსკის თვითმფრინავი ლონდონში უკვე დაეშვა.
დიდი ბრიტანეთის პრემიერ-მინისტრი უკრაინის პრეზიდენტს რეზიდენციაში დღის მეორე ნახევარში მიიღებს
ზელენსკი ხვალ სტარმერის მიერ ორგანიზებულ ევროპელ ლიდერთა სამიტს დაესწრება, რათა განიხილონ უკრაინაში ომის დასრულების საკითხი.
Sky News-ის ცნობით, ბალტიის ქვეყნები აღშფოთებული არიან იმით, რომ ისინი არ მიიწვიეს ლონდონის სამიტზე.
როგორც გამოცემა ევროპული დიპლომატიური წრეების წყაროზე დაყრდნობით წერს, უკრაინის საკითხზე ხვალინდელ სამიტში ლატვია, ლიეტუვა და ესტონეთი არ მოხვდნენ.
პრემიერ სტარმერი გეგმავს სატელეფონო ზარს ბალტიისპირეთის ლიდერებთან, მაგრამ ეს მათი მხრიდან ეს არასაკმარის ალტერნატივად განიხილება.
გუშინ ცნობილი გახდა, რომ ბრიტანეთის პრემიერ-მინისტრი კირ სტარმერი კვირას ლონდონში უკრაინის პრეზიდენტ ვოლოდიმირ ზელენსკის და სხვა ევროპელ ლიდერებს მიიღებდა.
შეხვედრაზე განიხილება უსაფრთხოების გარანტიები, რომლებიც ევროპას შეუძლია შესთავაზოს უკრაინას რუსეთთან ომის დასრულების შემდეგ.
ასევე შეხვედრაზე სტარმერი და საფრანგეთის პრეზიდენტი ემანუელ მაკრონი ევროპელ მოკავშირეებს გააცნობენ აშშ-ს პრეზიდენტ დონალდ ტრამპთან შეხვედების დეტალებს.
