„ჩვენ ძალიან მადლიერები ვართ შეერთებული შტატების მხარდაჭერისთვის. მადლობას ვუხდი პრეზიდენტ ტრამპს, კონგრესს ორპარტიული მხარდაჭერისთვის და ამერიკელ ხალხს. უკრაინელები ყოველთვის აფასებდნენ ამ მხარდაჭერას, განსაკუთრებით სრულმასშტაბიანი შემოჭრის ამ სამი წლის განმავლობაში, - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
„ჩვენი ურთიერთობა ამერიკის პრეზიდენტთან. ორი ლიდერის ურთიერთობაზე მეტია; ეს არის ისტორიული და ძლიერი კავშირი ჩვენს ხალხებს შორის. ამიტომ ყოველთვის ვიწყებ ჩვენი ერის სახელით, ამერიკელი ერისადმი მადლიერების გამოხატვით“, - წერს ზელენსკი.
მისი თქმით, ხისტი დიალოგის მიუხედავად, აშშ და უკრაინა სტრატეგიულ პარტნიორებად რჩებიან. ზელენსკის თქმით, უკრაინისთვის სასიცოცხლოდ მნიშვნელოვანია ამერიკის მხარდაჭერა, თუმცა, „საჭიროა გულწრფელი და პირდაპირი მიდგომა,“ რათა საერთო მიზნები რეალურად ესმოდეთ.
„ჩვენთვის უკიდურესად მნიშვნელოვანია პრეზიდენტ ტრამპის მხარდაჭერა. მას ომის დასრულება სურს, არავის სურს მშვიდობა ჩვენზე მეტად. ჩვენ ვცხოვრობთ ამ ომში. ეს არის ბრძოლა თავისუფლებისთვის, ჩვენი გადარჩენისთვის.
უკრაინის პრეზიდენტის განცხადებით, რთული იქნება აშშ-ს მხარდაჭერის გარეშე,
“მაგრამ ჩვენ ვერ დავკარგავთ ნებას, თავისუფლებას ან ჩვენს ხალხს. უკვე ვნახეთ, თუ როგორ შემოვიდნენ რუსები ჩვენს სახლებში და დახოცეს უამრავი ადამიანი. არავის სურს ოკუპაციის ახალი ტალღა. ჩვენ თუ არ მიგვიღებენ ნატო-ში, დაგვჭირდება უსაფრთხოების გარანტიების მკაფიო სტრუქტურა ჩვენი მოკავშირეებისგან აშშ-ში“, – წერს ზელენსკი.
ზელენსკი ამბობს, რომ უკრაინას სურს მშვიდობა თუმცა ის უნდა იყო სამართლიანი და ხანგრძლივი.
„მე ვერ შევცვლი უკრაინის პოზიციას რუსეთზე. რუსები გვკლავენ. რუსეთი მტერია და ეს არის რეალობა, რომელსაც ჩვენ სახეს ვუსწორებთ. უკრაინას სურს მშვიდობა თუმცა ის უნდა იყო სამართლიანი და ხანგრძლივი. ამისათვის ჩვენ გვჭირდება, ვიყოთ ძლიერები მოლაპარაკებების მაგიდასთან. მშვიდობა მხოლოდ მაშინ დამყარდება, როდესაც გვეცოდინება, რომ უსაფრთხოების გარანტიები გვაქვს, ჩვენი არმია ძლიერია და პარტნიორები ჩვენთან არიან.
ჩვენ მშვიდობა გვსურს. ეს არის მიზეზი, თუ რატომაც ჩამოვედი აშშ-ში და ვესტუმრე პრეზიდენტ ტრამპს. მინერალების შეთანხმება მხოლოდ პირველი ნაბიჯია უსაფრთხოების გარანტიებისა და მშვიდობასთან მიახლოვებისკენ. ჩვენი სიტუაცია მძიმეა, თუმცა უბრალოდ ვერ შევწყვეტთ ბრძოლას და ვერ გვექნება გარანტიები, რომ ხვალ პუტინი არ დაბრუნდება“, - წერს ზელენსკი
ამასთან, უკრაინის ლიდერი მზადყოფნას გამოთქვამს მინერალების შეთანხმების ხელმოწერაზე.
„ჩვენ მზად ვართ, ხელი მოვაწეროთ მინერალებზე შეთანხმებას და ეს იქნება პირველი ნაბიჯი უსაფრთხოების გარანტიებისკენ, მაგრამ ეს არასაკმარისია. ამაზე მეტი გვჭირდება. ცეცხლის შეწყვეტა უსაფრთხოების გარანტიების გარეშე სახიფათოა უკრაინისთვის. უკვე სამი წელია, ვიბრძვით, უკრაინელ ხალხს სჭირდება იცოდეს, რომ ამერიკა ჩვენს გვერდითაა“, – აღნიშნავს უკრაინის ლიდერი.
ზელენსკის თქმით, ევროპა მზად არის გაუთვალისწინებელი გარემოებებისთვის და მზადაა, გაუწიოს ფინანსური დახმარება უკრაინულ არმიას, „მაგრამ უსაფრთხოების გარანტიების განსასაზღვრად ამერიკის როლია საჭირო, თუ რა სახის, რა მოცულობის იქნება ის და როდის.“
„უსაფრთხოების გარანტიები როდესაც გვექნება, შემდეგ შეგვიძლია, ვისაუბროთ რუსეთთან, ევროპასა და აშშ-სთან დიპლომატიაზე“, – წერს ზელენსკი.
