25 იანვრისთვის დაგეგმილ აუქციონზე "ზოგადი თერაპიის კლინიკის" ახალი მფლობელი გამოვლინდება. ეკონომიკისა და მდგრადი განვითარების სამინისტროს ინფორმაციით, 25 იანვრისთვის დაგეგმილ აუქციონზე შპს "ზოგადი თერაპიის კლინიკის" სახელმწიფო საკუთრებაში არსებული 100% წილი იყიდება, რომლის საწყისი ღირებულებაც 170 ათასი ლარია.
ამ დროისათვის შპს "ზოგადი თერაპიის კლინიკის" საწესდებო კაპიტალი
125 ათას 997 ლარითაა განსაზღვრული და მას 590 ლარის დებიტორული და 22 ათას 647 ლარის კრედიტორული დავალიანება აქვს.
აუქციონის პირობების თანახმად, "ზოგადი თერაპიის კლინიკის" ახალი მფლობელი ვალდებულია, ხელშეკრულების გაფორმებიდან ობიექტს პროფილი 7 წლის განმავლობაში შეუნარჩუნოს.