26 მაისს სარფის ახალი საბაჟო გაიხსნება. ამის შესახებ საქართველოს პრეზიდენტმა მიხეილ სააკაშვილმა ადლიის გაფორმების ეკონომიკური ზონის (გეზ) ოფიციალურად გახსნისას განაცხადა.
"სარფის ახალი საბაჟო იქნება უმაღლესი სტანდარტების მქონე ლამაზი და უმაღლესი მომსახურების საბაჟო. ასეთი რამ ევროპის ბევრ ქვეყანაში არ მინახავს", - განაცხადა სააკაშვილმა.
ადლიის გაფორმების ეკონომიკური ზონა (გეზი) 8 ჰექტარზეა გაშენებული. სპეციალურად დაგეგმარებული ავტოსადგომი გათვლილია 200 სატვირთო ავტომანქანაზე. შესაძლებელია ერთდროულიად ნებისმიერი რაოდენობის იმპორტიორის მომსახურება კვირაში შვიდ დღეს, 24 საათის განმავლობაში.
