ნატო-ს მოკავშირეებს, რომლებიც ჩამორჩებიან ალიანსის თავდაცვის ხარჯების მიზნობრივ მაჩვენებელს, შესაძლოა, ერთმა ძალიან სასიამოვნო ადამიანმა ვაშინგტონიდან დაურეკოს, – ამის შესახებ ნატო-ს გენერალურმა მდივანმა, მარკ რუტემ სლოვაკეთის პრეზიდენტთან, პეტერ პელეგრინისთან ერთობლივ პრესკონფერენციაზე განაცხადა.
"გაზარდეთ თავდაცვის ხარჯები. თუ ჩემს ზარებს არ უპასუხებთ, შეიძლება ზარები ძალიან სასიამოვნო ვაშინგტონელი კაცისგან მიიღოთ, რომელსაც, ასე ვთქვათ, შესაძლოა მეტი დროის შეზღუდვა აქვს იმაზე, თუ რისი მიღწევაც სურს" - თქვა რუტემ.
მან აღნიშნა, რომ ალიანსის 22-23 ქვეყანა უკვე აკმაყოფილებს თავდაცვისთვის საჭირო მინიმალურ მშპ-ის 2%-ს დანახარჯის მოთხოვნას.
მიუხედავად ამისა, რჩებიან ქვეყნები, რომლებიც კვლავ ჩამორჩებიან ამ სტანდარტს.
„კვლავ არის რამდენიმე ქვეყანა, რომელიც არ ხარჯავს ორ პროცენტს და მე აქტიურად და ინტენსიურად ვმუშაობ მათთან, რათა დავრწმუნდე, რომ ისინი დააჩქარებენ ორი პროცენტის მიღწევას. ვფიქრობ, ყველამ ეს მომავალ ზაფხულამდე უნდა გააკეთოს. მე ვეუბნები მათ – თუ არ უპასუხებთ ჩემს ზარებს, შეიძლება, ზარები მიიღოთ ერთი ძალიან სასიამოვნო ადამიანისგან ვაშინგტონიდან, რომელსაც, ასე ვთქვათ, შესაძლოა მეტი დროის შეზღუდვა აქვს იმაზე, თუ რისი მიღწევაც სურს. ასე რომ, თუ ჩემგან არა, მაშინ შეიძლება, ვიღაც სხვისგან მიიღონ ზარები. ჩვენ ყველამ ნამდვილად უნდა მივაღწიოთ ორ პროცენტს, ეს გადამწყვეტია“, – განაცხადა რუტემ.
