2010 წელს საქართველოს საგარეო სავაჭრო ბრუნვამ (არაორგანიზებული ვაჭრობის გარეშე) 6678 მლნ. აშშ დოლარი შეადგინა, რაც წინა წლის ანალოგიურ მაჩვენებელზე 21 პროცენტით მეტია; აქედან ექსპორტი 1583 მლნ. აშშ დოლარი იყო (40 პროცენტით მეტი), ხოლო იმპორტი - 5095 მლნ. აშშ დოლარი (17 პროცენტით მეტი). საქართველოს უარყოფითმა სავაჭრო ბალანსმა 2010 წელს 3512 მლნ. აშშ დოლარი შეადგინა (9 პროცენტით მეტი).
"საქსტატის" ინფორმაციით, 2010 წელს 2008 წელთან შედარებით საგარეო სავაჭრო ბრუნვა და იმპორტი შემცირდა შესაბამისად 14 და19 პროცენტით, ხოლო ექსპორტი გაიზარდა 6 პროცენტით. 2009 წელთან შედარებით სამივე მაჩვენებლის ზრდა ფიქსირდება შესაბამისად 21, 17 და 40 პროცენტით.
2010 წელს საქართველოს საგარეო სავაჭრო ბრუნვამ ევროკავში¬რის ქვეყნებთან 1736 მლნ. აშშ დოლარი შეადგინა, რაც წინა წლის შესაბამის მაჩვენებელზე 13 პროცენტით მეტია, ხოლო დსთ-ის ქვეყნებთან საგარეო სავაჭრო ბრუნვამ 2010 წელს 2195 მლნ. აშშ დოლარი შეადგინა (2009 წელთან შედარებით 31 პროცენტით მეტი).
2010 წელს ათი უმსხვილესი სავაჭრო პარტნიორის წილმა საქართველოს მთლიან საგარეო სავაჭრო ბრუნვაში 67 პროცენტი შეადგინა. უმსხვილეს სავაჭრო პარტნიორებს შორის იყო თურქეთი (1105 მლნ. აშშ დოლარი), აზერბაიჯანი (708 მლნ. აშშ დოლარი), უკრაინა (662 მლნ. აშშ დოლარი), გერმანია (362 მლნ.აშშ დოლარი), ჩინეთი (358 მლნ. აშშ დოლარი) და აშშ (354 მლნ. აშშ დოლარი).
2010 წელს საქართველოს სავაჭრო ურთიერთობები 138 ქვეყანასთან ჰქონდა.